مصطلحات اردنية من الاخر

[عبدالرحمن بني حسن]

الطنط : هو الشخص الذي الفرق بينه وبين البنت ولا اشي و انه مكتوب في هويته ذكر, يتجمعوا بكثرة على دوار عبدون و على دوار الجامعه الاردنية .


الدواوين : هو شخص له السلطة المطلقه في الحارات و المخيمات متعدد المواهب في استخدام الموس و القنوه ويبرز في الطوش و المشاكل .


الخروف : شخص اهبل معاه مصاري يسهل الضحك والنصب عليه بمعنى اخر (شده خاروف) .


الفايع : الشخص الذي بوقف شعره بالجل وبلبس بنطلون ساحل ( حسب شدة الفياعه .. كل ما كان مسحول أكتر بكون فايع أكتر ) وبلبس علموضه عشان يزبط بنات .


النصاب :مصطلح يمكن ان يطلق على ثلثين الشعب الأردني , يكثرون في وسط البلد و الساحه الهاشميه.


الكونترول : مصطلح يطلق على أقرف مخاليق ربنا، يقوم بلم الايجار في الباص و يمتاز بمهارات التهوية للسواق عند سباق الباصات و الرائحة النتنة!


وراي ناس بوكلو الحجر : مصطلح يدل على أن قائله مش فارقة معاه و مقلّع و عنده شله كبيره مستعدة للطوش .


الجويده : مكان هو مأوى الدواوين الأخير .


دير بالك عحالك: أسلوب تهديد غير مباشر .


التشبير :تكنولوجيا تستخدم في الطوش لبهدله الطرف الآخر دون قتال .


يا كبير : أسلوب النداء المفضّل عند الدواوين .


روح دور على بسه تلعب معها : أسلوب للتشبير على الطرف الأخر ويكون في العادة أهبل.


على راسي قزدره : اسلوب الترحيب عند الدواوين .


وعرض أمي : واحد دواوين حاب يعرط على صاحبو بشي ما بتصدق .


طقع : مصطلح يعني من الاخر صح (ويكثر استخدامها في مجمع الزرقا).

الزنوبا : الحذاء الذي يعرط به الدواوين .


بنطلون محقان : بنطلون فايع للدواوين .


بنطلون جزرة : بنطلون فايع للطنطات .

ملاحظة : البنطلونين نفس الشي بس كل واحد بحكي حسب البيئة الي عايش فيها .


فكح : معناه مزط او هرب


تلولحي يا دالية : تقال للشخص النحيف جدا وبترخرخ لدرجة الهبل.


حادي عن الراس واذرب : بلهجة اهل اربد وفي مقوله اخرى حيد عن الراس واذرب :
وتقال في الطوش او الخناقات انه يعني ما تعمل عمل كبير تندم عليه.


ولكان حاول توجع بشكل غير مباشر : يعني لا ت واحد على راسه تنبلي فيه.


إحفظ هالّلطش : يقولها من أدى خدمة لحدا ومحملوا جميلة عليها.


طقع - بكسر القاف : يقال انها كلمة دخيلة وأصبحت متداولة ومنشؤها الزرقا(مجمع الباصات ) وبالأخص من شوفيرية السرافيس الكوستر وتعني اشي روعة ومنيح جثير


هاك : يعني خذ او القف.. بس من غير نفس


بتتخوث يا ملوّث : تقال لمن يحاول أن يخفف دمه وبتهبّل وهو فيش أزنخ من دمّو


يلعن روما : مسبة قاسية جدا تقال عند الغضب بدل من سب الدين


مشرّت - بكسر الرا وفتح الشين : تقال عادة للظاربة فيوزاته او ولا حبة


الطنجير: يقال انها من اصل طنجرة وتقال للشخص اللي مثل اللوح ومش عارف وين الله حاطّه


الشنتير : تقال للشخص اللي حجمه كبير وعالفاظي


فستق فاظي : تقال للشخص اللي بحكي كتير وما بعمل اشي


قووطر : قزدر- وتستعمل في المناطق الأقل حظا


يلعن حرمو : لا تحتاج الى تفسير! ... دليل احترام للنساء في الأردن


منغنغ- الله يطعمنا : معناها معاه فلوس كثيرة وجيبته مليانة مصاري .

هههههههههههههههه
انشاء الله تعجبكو
مع تحيات الزواهرة

[بنت الكرك]

شكراااااااااااااااا كتيرررررررررررررررررر

[COOL IRIS]

هههه
بس ليش الفضايح يا اخي
مهم كانو مستورين
ربنا يهديك

[عبدالرحمن بني حسن]

مشكورين

[عاشق بلادي]

ههههههههههههههههههه

يعطيك العافية

[الجوكر]

ههه
يعطيكي العافيه

[sweetaa zakyaa]

شو كلمة اكتر من الشكر .. احكيلك اياها ..

يسلموووووووووووووووووووووووووووووووووووووو

اقسم بالله موتتني من الضحك و كنت رح انخنق

يسلمو ريلللللي لاستاذي و اخوي عبد الرحمن

[عبدالرحمن بني حسن]

مشكورين

[ملاذ الحب]

ههههههههههههههههههههههههه

يسلمووووووووووووووووووووووووووووووووووووو

[عبدالرحمن بني حسن]

مشكورين