كيف تعرف الشخص العربي من بين سكان العالم ..؟؟؟؟

[manoosh]

كيف تعرف الشخص العربي من بين سكان العالم ..؟؟؟؟


بيفهم في الطب وبيشخص المرض وبيوصفلك الدوا وبيفهم في النقاش والكهربا وتصليح السيارات والطبخ والسياسة والقانون و الواجب و الدين و الحسابات والطابة"الكورة" وهو أبيض ياورد جوري*

*بيحط الريموت كونترول في كيس نايلون حتى ما يتغبر ولا يضيع*


*بيوقف يتكلم على الباب نص ساعة بعد إنتهاء الزيارة والسلام *


*في خزانة المطبخ عنده عشرين قطرميز مربى فاضي منشان اذا احتاج يستخدمها ومازال مُصِر على جمع المزيد


*ييجي بعد الموعد بساعة وربع دون ان يعتذر = تقيل يا عمي *


*يتكلم بصوت عالي في المكالمة الدولية منشان التاني يسمعه *


*بيعتبر حاله أفضل واحد في الشراء والمفاصلة ثم يكتشف إن الشي في المحل اللي جنبه أرخص من غير مفاصلة*


*بيحتفظ بأكياس محلات اللبس والأحذية وورق الهدايا تحت فرشة التخت لسنوات *


*عنده صينية مكسرات مقسمة لتلات او أربع أقسام منشان المزاج لكن لا يستخدمها ابدا *


*بيشتري قبل الإفطار في رمضان مواد استهلاكية متوفرة عنده في البيت *


*عنده منقل شوي للرحلات يستخدمه مرة واحدة كل عيد *


*بيشيل طابع البريد من على الظرف لو الختم ما كان مبين عليه *


*بيفكر إن أي حدا بيشتغل في الخليج بيغرف مصاري من غير حساب وأغنى واحد في الدنيا *


*بيكون مشغول بقيمة البقشيش طول العشا.. ياترى 25 أما 50؟ *


*بيتخانق ساعة دفع الحساب بحرارة شديدة على إنه هو اللي لازم يدفع *


*بيفرش شرشف التخت على طقم الكنب منشان الكنب ما يتوسخ، ولما يجوا الضيوف يترك الشرشف وما بشيله*


*اذا ركب تكسي طول الطريق عيونو عالعداد*


*وين ما راح وترحل الابتسامة لا تغادر وجهه بالسراء والضراء ولكن لماذا يا ترى*


*دائما يعيش ضمن الحلم ولا يقبل بان يخرج مما يحلم*


* اكثر واحد عنده كرامه في العالم* .

[Khaled Qudah]

نحن نعتز بعروبتنا
شكرا لكِ

[kite-ebini]

* اكثر واحد عنده كرامه في العالم* .

ولو الكرامة اولا

يسلمووو على الموضوع الحلو

[manoosh]

طبعا نعتز ونفتخر بعروبتنا
شكرا لمروركما khaled Qudeh و kite ebini

بس عروبتنا لازمها عودة للمبادىء والاخلاق مو بس الكرامة
لانه في أمور تناسيناها مع الزمن منها الصدق والالتزام بالمواعيد وغيرها

محتاجين صحوة من اللي عايشين فيه ... الكرامة جزء من اخلاقنا اللي في منها اتخلينا عنه وان شاء الله بنرجعها وبنصحى واهم شي انا نعتز باسلامنا وعروبتنا

[أريج]

طيب بالنسبه للريموت الكنترول بحطه بكيس عشان ما يتوسخ وفهمنا بس ( ما يضيع ) !! ما فهمت ليش هوه الكيس ما بضيّع الريموت ؟!! ههههههههههه
كلها شغلات مزبوطه ميه بالميه ..

يسلمووووووووووووووووووووووووووووووووووو

[Take it easy]

انا بخالف الرأي ليل مانها شغلات مزبوطة مية مية
انا معك موضوع خفيف وللضحك بس انت عم تعممي شغلات بتلتقى بتنين عشرة مية بس مابتتعمم ع العرب كلهم
بس تنويه انا مازعلت من الحكي لانو بيندرج تحت قائمة الضحك والفكاهة
وع فكرة هدول ماركبو معي فيهم تناقض

*بيكون مشغول بقيمة البقشيش طول العشا.. ياترى 25 أما 50؟ *


*بيتخانق ساعة دفع الحساب بحرارة شديدة على إنه هو اللي لازم يدفع *

[عاشقة الاردن]

منووووووش حبيبتي كل اشي حكيتيه صحيح ميه بالميه

وكمان العرب لازمهم تنظيم لحياتهم واعاده تأهيل ليفهمو
معنى الاقتصاد...

يعني ما بيعرفو انو الكياس الي بخبوها راح تعملهم سرطان
لأنها تعتبر تلفانه.. وعداد التكسي اذا اتطلع عليه ولا ما اتطلع
راح يعد نفس القيمه... وانو ما رح يستفيد اشي ازا فكر بالبغشيش
ولا ما فكر...
شكرا الك كتير موضوعك حلو...

[manoosh]

شكرا لمروركم .. زالموضوع فعلا فكاهة بس مافي دخان بلا نار ... يعني في امور مزبوطة مية المية .. واحنا ما لازم نتدايق من هاد الموضوع بالعكس لازم نتوعى عالغلط اللي بصير .. ولا حظوا قلت عرب مو مسلم لانه بالاساس الاسلام هو اللي بهذب صفاتنا واخلاقنا ولما بعدنا عنه صارت تصرفاتنا غلط وغيرنا اتصف فيها متل دقة المواعيد وغيرها
شكرا لمروركم نورتوا

[Take it easy]

*اذا ركب تكسي طول الطريق عيونو عالعداد*
ياستي نحن عنااا بسورية عملو قانون للسير عم يشحدو فيه المواطن ان يطالب الشوفير بتشغيل العداد يعني بتطلعي بالتكسي بتلاقي الشوفير حاطت لصاااااااااااااقة مكتوب فيها اخي المواااااااااااااااطن الرجاء التأكد من تشغيل العداد فلاتقليلي العرب طول الطريق بطلعو ع العداد اي يكتر خيررررررررررررو الركاب اذا بيفطن يطلع عالعداد اول مابيطلع مشان يتأكد انو مصفّر يعني الحكي مانو منطقي عملتي العرب الا شووووووووووي متخلفين عقلياااا وهاد شي مامقبول
تانيا مشان كياس البلاستك حبيبتي هنن محطوطين تحت الفرشة حسب هالمقال قصدي حسب هالنكتة ومتل ماكلنا منعرف انو بدهم دهر ليتحللو فوووووووووين بدهم يسببو السرطان اذا كانو تحت الفرشة
لمعلوماتك هنن بسببو اضرار بحال تم حفظ المواد الغذائية فيهم وهاد شي مامذكور ضمن النكتة المكتوبة
وفي تناقض تجاهلتو
انا سألت كيف بيقعد طول العشا بيحسب البقشيش ووقت الدفع بحارب ليدفع هووووووووو عاد مافهمنا نوري ولا كريم
تقبلو مروري

[Take it easy]

بس تصحيحا للمعلومة اللي ذكرتها اكياس النايلون غير قابلة للتحلل اصلااااا