مين دى اللى قالت يقطع الجواز وسنينه ؟؟

[مها الزعبي]

مين دى اللى قالت يقطع الجواز وسنينه ؟؟

جيبوه ليا بس الاول يقرا الموضوع دا وهو هيقول بعدها مفيش احلى من الجواز وسنينه

بيقولوا الحب بعد الجواز مش موجود
وإن الخطوبة أجمل فتره فى الحياة
وإن..وإن...وإن
لا..طبعا

هو الحب وردة وقلب وغنوة ونيل و هوا و مية ؟
الحب بيتترجم لأفعال إيجابية يمكن مش بتشوفوها ..
إلبسوا معاية نضارة أم البنين بالأشعة الفوق المعنوية
واتفرجوا معاية
و قولوا انتم بلاش أنا

بابا و ماما طول النهار قدامكم صح
فاكرين يوم ما بابا اتأخر لما كان مسافر ....ماما وقفت إزاى تستناه رايحة جاية
بصيتوا لوشها؟
شفتوا الخوف والقلق والفزع ؟
سمعتوا دقات قلبها و هي خايفة
ما هو ده الحب
إنك تخاف على حبيبك من الخطر
شفتوا بابا و هو شايل شنطة سفر ومعاد الطيارة بعد ساعة وقلبه بيتقطع و هو بيبوس راس ماما وبيمشى و دموعه بتجرى على خده ..
أول مره تشوف بابا بيعيط
ما هو ده الحب
إنك تكره فراق حبيبك
فاكر لما ماما كانت عيانة وحرارتها عالية وبابا واقف فى المطبخ بيطبخ بدالها وهو راسم على وشه إبتسامة حنان و عطف عليكم بس ابتسامة مخنوقه..مخنوقه بألم
ما هو ده الحب برده

إنك تتألم لألم الحبيب
شفتى بابا لما مر بظروف صعبة أد إيه كانت ماما واقفه معاه واستحملت حاجات كتير
ما هو ده الحب برده
على الحلوه و المره
فاكر لما ماما فضلت واقفه تصحى بابا علشان صلاة الفجر وراسها كانت بتقع وفضلت لحد ما قام و صلى
ما هو ده برده الحب

انك تخاف على حبيبك من نار جهنم
يبقى الحب حنان وموده ورحمة وموجود جوانا فعلا
حا يطلع حا يطلع بس كل شيء بأوان

{ وَمِنْ آيَاتِهِ أَنْ خَلَقَ لَكُم مِّنْ أَنفُسِكُمْ أَزْوَاجًا لِّتَسْكُنُوا إِلَيْهَا وَجَعَلَ بَيْنَكُم مَّوَدَّةً وَرَحْمَةً إِنَّ فِي ذَلِكَ لَآيَاتٍ لِّقَوْمٍ يَتَفَكَّرُونَ}


ها لسه بردوة يقطع الجواز و سنينه ؟؟؟؟

إضغط على الصوره لتراها بحجمها الطبيعي!

[أريج]

حلو كتير يسلمو ام جنى

[Red-rose]

مشكوره ام جنى

[BLUE ANGEL]

مشكوره مها
بس هاد الحكي مو مع كل الناس هيك
في ناس كل يوم طوشه وكل يوم طلاق
وفي ناس متفاهمين حتى لو اتزوجو زواج تقليدي وناس لو كانوا يعرفوا بعض قبل الزواج يمكن ما يتفاهموا

يعني في ناس بتحكي يقطع الزواج وسنينه وناس بتحكي اجمل شيئ في الدنيا الزواج

وانا بحكي قبل ما اتزوج يقطع الزواج وسنينه

[عدي ملكاوي]

مشكورة يا مها على الموضوع

[صاحب العيون الامعة]

انا قلت يا ام جنى يقطع الجواز والي بتزوجه كمان