نقاش بين الشباب والبنات........................

[جودي ابوت]

انا اعرض كل واحد بيحكي انا مو مع شغل المرأه وبشده كمان
لازم البنت تشتغل وتعتمد على نفسها
شغل البنت يعزز مكانتها في المجتمع ويثبات شخصيتها وانسانيتها
ويمكن تكون الاسرة مو محتاجة لشغل المراه بس المجتمع و الي حوالينا محتاجة عملها وانتاجيتها
وفيه ستات بيشتغلو مو عشان الدخل بس منشان يطيرو الملل ويطلعو برات البيت
انا معكم انو المراه الها بيتها وزوجها بس بنفس الوقت الشغل افضل
هاد رايي مع احترام راي الجميع

مع احترامي لرايك بس ما خرب هل مجتمع الا بطلعت المراه برات بيتها ودعوتها للتحرر واثبات الذات
انا كنت اشوف كتير من صحباتي بعانوا كتير لان امهم بتشتغل وما بشوفوها الا ساعات معدوده .والمجتمع في يمشي حالوا من دون عمل المراه كيف كانوا عيشين زمان

[manoosh]

زمان كان غير هلا كل شي اتغير ... ما في شي بضل على حاله ... زمان كانت العشر قروش اتكفيهم اسبوع

بس هلا 200 دينار ما بكفو يطعموا خبز ههههههه

خليكم منطقيين اكتر

احنا قلنا في سلبيات وايجابيات

وانه المجتمع خرب بطلعة المرأة وتحررها فيه وجهة نظر ... بس مو هاد اللي خرب المجتمع .... اللي خربه بعده عن الدين ... حتى التقاليد القديمة شبه انقرضت ... يعني خراب المجتمع بشمل الجنسين المرأة والرجل

هلا شو بتقدري تحكي عن المرأة اللي بتشتغل ؟؟؟؟؟؟ بتقدري تحكيلها اقعدي ولا تشتغلي وخلي زوجك يشتغل 24 ساعة ؟؟؟؟؟؟ يعني هيك هو اولاده ما رح يشوفوه لانه هيضطر يضاعف شغله مشان معيشة احسن .... انا برايي المراة لازم تشاعد زوجها وخصوصا في اول الطريق وبعدها لما الله يفرجها تقعد في البيت بس انه ما يكون الها دور في بناء اسرتها هاد هلا صعب جدا

يا عالم شوفوا الوضع الاقتصادي .. مو احنا اللي بنحكي ... هو اللي بيتحكم

يعني اللي ضد هاي الفكرة برايي انه هو وضعه المادي كويس مشان هيك مو حاسس بالموضوع واهميته

وفي كتير امور المراة بتقدر تعملها حتى وهي ببيتها

بس شغلوا المخ شوييييييييييييي

[meral]

هيك حكيتي زماان
هاد زمان
هلا اختلف الوضع وانا ارفض رفض تام منع عمل المراه
بعدين كيف خرب المجتمع ممكن توضحي يعني بالعكس المجتمع عم بيصير يطور اكتر
عارفه ردت فعلك رح تحكيلي انو مطور من دون عملها يعني الرجال همه بشتغلو بكفي شغلهم وبيزيد
بس كمان المراه بشغلها بتثبت شخصيتها بالمجتمع وبتامن لحالها مشتقبل حلو الها ولاولدها

[meral]

منوش ردينا انا وياكي بنفس الوقت على جودي

[جودي ابوت]

منوش في حل كان العمل للضروره زي ما بتحكي انتي بكون متقبل لتحسين المستوى والمسانده للزوج اذا كان بحاجه مساعده بس هلا اغلب البنات بشتغلوا بس لاتهم زهقنين طفشانين من البيت واحيانا كتير المتزوجات كمان ما في عندهن اي نيه مساعده انتي مع هيك اشي


وشكرا

[meral]

ههههههههههههه
جودي بلشت تقتنع اول باول منوش
يلا مشان تتوضفي جودي ازا ما بتشتغلي

[مياس k]

لا شباب انا مش معكوا اصلا لازم المراه تشتغل وفي كتيير شغل بدون اختلاط بالرجل متل :المعلمه....................الخ

بالعكس تماما دندون
المعلمه وظيفتها كتير بتخليها تختلط بالرجال واكتر من غيرها كمان

[DNDON]

لا كيف ازا كانت المدرسه جكوميه طبيعي ما في اختلاط...........؟؟؟؟؟؟؟؟؟؟؟؟؟؟؟

[أريج]

طيب شباب وصبايا موضوع الشغل أخد اكتر من حجمه والظاهر في اختلاف بالآراء . . وما أظن حدا يغير رأيه ولا يقنع غيره .
‏
خلينا نناقش موضوع تاني ، حابه أعرف رأيكم بمسألة سواقة المرأه للسياره ، انت مع أو ضد وليش ؟

[Maher Zain]

مع سواقة المرأة للسيارة