منتديات أنا الأردن

مرحبا : ناقشو معنا :::
متى تحبون الجلوس لوحدكم ؟
تمر على الإنسان لحظات يحتاج فيها إلى خلوة بنفسه فمنهم من يحتاج وقتاً للراحة ومنهم من يحتاج إلى وقفه مع نفسه ومع ذاته للمحاسبة ومنهم من يعشق العزلة ويحب الجلوس وحده دوماً وقد تتعدد الأسباب على حسب الأشخاص والظروف .
والسؤال هنا : متى تحاولون الجلوس وحدكم , و لماذا ؟
ناقشوا معنا : ماذا تعلمتم مما مضى من حياتكم؟
ناقشوا معنا :ما هو السؤال الذي لاتحبون ان يسألكم به احد ؟
شكرا جزيلا و ان شالله تكونو دايما مبسوطين و مرتاحين ..

انا بلقاوية نشمية

اولا شكرا على الموضوع فعلا شغلات حلوة للنقاش
انا بحب اجلس مع حالي لما اكون متدايقة لحتى اتناقش مع حالي(هههههههه الاخت اجتماعية مع حاله وبتحب تناقش حالها)
ومابحب أأعد لحالي لانو الواحد لازم يكون اجتماعي

اما شو تعلمت من حياتي بعدني صغيرة لحتى اتعلم بس اتعلمت انو الحياة حلوة وانو احنا الي
بنصنع السعادة واحنا الي بنصنع التعاسة

السؤال الي مابحب حد يسألني عنو
مافي بس مابحب الي مزعلني يسألني ليش زعلانة

شكرا اختي على الموضوع وبسعدني اكون اول شخص برد على موضوعك الجميل
تقبلي مروري

بحب اقعد لحالي لما بكون زعلاااانه كتيييير
وبتمنى امموووت حتى من كتر الزعل
خاصه لما الي بيزعلني بحبه كتيير وما بقدر ازعله

السؤال الي مابحب حد يسألني عنو
مافي بس مابحب الي مزعلني يسألني ليش زعلانة وهوه عارف طبعا

اما شو تعلمت من حياتي..
كتييير مع اني لساتني 19 سنه وعرفت انه الناس اجناس

يسعد مساهم الصبايا والشباب

عمو في فرق بين تعلمت وعرفت

التعلم ان يكون هذا الحدث حدث معك وعشت احداثه لحظة بلحظه

والعلم ان تسمع حدوث هذا الشيء مع طرف آخر ولم تعش احدلثه لحظة بلحظه

واعتقد المطلوب من السؤال هو التعلم من الحدث يعني إذا في حدا عايش احداث مشكله في حياته ويخبر عنها....فيصبح عندها المتحدث تعلم والقارئ علم .........حماكم الله

اول شي بدي احكي انه موضوع بجنن
وانا من النوع الي كتير بحب اكون لحالي
حتى لما افكر بحب اكون لحالي لما انبسط لما ازعل وحتى ماعندي صداقات كتير
انا مو اجتماعيه ابدب وكتير ناس بحكي عني اني شايفه حالي بس والله لا
انا مابعرف اجامل

myos كتب:اول شي بدي احكي انه موضوع بجنن
وانا من النوع الي كتير بحب اكون لحالي
حتى لما افكر بحب اكون لحالي لما انبسط لما ازعل وحتى ماعندي صداقات كتير
انا مو اجتماعيه ابدب وكتير ناس بحكي عني اني شايفه حالي بس والله لا
انا مابعرف اجامل

تحياتي ميوس

فعلا تأثّرت من كلامك هذا عمو...الإنطوائيه عمو حاجه مش منيحه خاصّة بعمرك إنت عمو صغيره على هالحكي هذا الإنطوائيه اوّل نتائجها حب الذات يعني الأنانيه.........عدم الثقه إطلاقا بطرف آخر وهذا بسبّب عدم الثقه بأحد افراد العيله او كلهم........يسبّب الصمت وعدم المشاركه في الحلفات الإجتماعيه مثل الزيارات الرسميه بين العائلات..الكل بحكي وإنت ساكته.واحيانا بتروحي لغرفتك....و....و....و.. طبعا الناس بتحسبك شايفه حالك ومتكبره وهذا مش منيح إلك وسمعتك بالمتكبره وهذا بأثّر عليك امام الناس والبنت احلى لحظات عمرها الآن ولا مؤاخذه الناس عندها شباب وزواج وغيره (افهميها).............عمو الجرأه عندك سكر خفيف.او بكون هجومي قاتل.وليس ...وسط..........عمو عليك بقراءة كتب الأعلام والإداره ومكونات شخصية الإعلامي والإداري مهمه جدا إلك

بحب اقعد لحالي لما اكون متضايقة من شي في حياتي
حتى ابكي وما حدا يشوف دموعي ( ما انا دايما لحالي في الغربة )
السؤال الي مابحب حد يسألني عنه
ليش لسه ما عندك اولاد ( سؤال محرج ) رغم انه هذا كله من ربنا
شو تعلمت من حياتي..
شغلات كثيرة في الغربة خلتني كبرت 10 سنين لقدام وعرفت الناس كيف بتفكر

لاحول ولا قوة إلاّ بالله........عمو صدقيني إنت كمان ضايقتيني بكلامك هذا.........عمو إنت دائما بتحكي عن حالك إنّك مؤمنه بالله والإنسان إله نصيبه وقسمته...وانا كثير ضربت إلك امثله وبينهم صديقي المغربي بعد16 سنه الله رزقه 6 صبيان وقصص كثيره....عمو لا تخلّي إبليس يدخل في عقلك وبخليك تبتعدي عن ثقتك بالله.........واعتقد إنّه حكيتلّك قصة نبينا موسى مع ابينا آدم لمّا عاتب موسى عليه السلام ابينا آدم وقال له يا ابونا الله دخّلك الجنّه وحذّرك من اكل الشجره فأكلتها ليش يا ابونا تاكلها وتخرجنا من الجنه فقال آدم لموسى ..تأدّب يا موسى اليس في الصفاح التي بين ايديك ان هذا مكتوب علّي قبل ان يخلقني باربعين سنه قال له نعم فقال له آدم كيف تحاججني على شيء كتبه رب العالمين علّي قبل ان يخلقني باربعين سنه فحاج آدم موسى فيا بنتي ما تعرفي رحمة ربّك اكبر من ايّ رحمه في الدنيا فلا تدرين بقدرته ممكن هذا الشهر ممكن الشهر الثاني الله قادر عمو على كل شيء يقول للشيء كن فيكون لكن عليك بالصبر والدعاء بإذلال لله رب العالمين.....اصبري وانا متأكد من رحمته إلك بامره تعالى....وإلّي بسألك ليش...وماليش....قوليلهم في إشي بإيد إنسان..طبعا لأ.....انا وزوجي كل الأمور تمام لكن ما اراد وقت رب العالمين دائما إجعلي السبب من رب العرش العظيم فخلّي ثقتك بربك فقط لا غير........واسأله تعالى ان يرزقك الذريه الصالحه سته من كل نوع...منيح هيك.....بس بكره لما يكون عندك 12 ولد على بنت مش تقولي عمو ابو يحي كيف اربيهم..وكيف...وكيف ...ما ليش دعوه.............ايوه هيك إضحكي...الله يبارك فيكم كلكم يارب

منتديات أنا الأردن

ناقشو معنا

ناقشو معنا

Re: ناقشو معنا

Re: ناقشو معنا

Re: ناقشو معنا

Re: ناقشو معنا

Re: ناقشو معنا

Re: ناقشو معنا

Re: ناقشو معنا