طريقة عمل جل الاستحمام طبيعي لتبيض البشرة سر الخبيرة العراقية رهيب جدا

[ملاك عراقية]

السلام عليكم

كيفكم يارب تكونوا بخير متل ماوعدتكم اني بكتب وصفاتي اللي كنت كتبتها من وصفات خبيرة الوصفات العراقية
وكمان دكتور الاعشاب والوصفات القديمة وكل وصفة او خلطة تكون مجربة وامنة وفعالة راح اكتبها هون بالمنتدى
عشان تستفادوا منها متل ما احنا استفادينا منها واليوم جبتلكم طريقة عمل جل الاستحمام من مواد طبيعية
يساعد على تفتيح البشرة لانه معمول من الرز وجوز الهند ومتل مانتوا عارفين فايدة الرز بالتفتيح
وان اليابانيين مايقدروا يستغنوا عن الرز في خلطاتهم بتبيض البشرة وكمان جوز الهند
واذا ماعندك جوز الهند تقدري تعملي الجل بالرز فقط متل مابدك وهو كمان راح يفتح بشرتك المهم هو الرز
وهو سر الخلطة اوك وعلى فكرة تقدري تستعملين الجل كغسول للوجه كمان وانا بستعمله كغسول وهو رهيب جدا
يعني راح يكون عندك الجل جل للاستحمام وكمان بنفس الوقت ممكن استعماله كغسول للوجه عادي
لان الرز راح يفتحلك بشرة الوجه بشكل سريع ولا تنسي ان الرز غني بمادة الكولاجين اللي يعالج ظهور التجاعيد
مابدي اطول عليكم بالكلام ويلة نبلش بطريقة عمل جل الاستحمام والغسول من المواد الطبيعية


المكونات

1_ رز ابيض عادي
2_ مبشور جوز الهند واذا ماعندك المبشور ممكن بدلا منه حليب جوز الهند واذا ماعندك الاتنين فمش مهم
ممكن الاستغناء عنهن
3_ ماء ورد اي نوع عندك لكن لازم يكون خالي من المواد الكحولية لانه في طبيعي وفي صناعي
4_ صابونة اي نوع تشوفيها مناسبة ليكي لبشرة الوجه والجسم معا
5_ زيت الزيتون او ممكن اي نوع زيت تاني وممكن زيت عباد الشمس اذا ماتوفر عندك اي نوع زيت

طريقة العمل
اولا ابرشي نصف صابونة من اللي عندك وتناسبك ويفضل حجم الصابونة متوسطة الحجم مش الكبيرة وخليهم على جنب
بعدها حطي خمسة ملاعق رز في قدر صغير وحطي كمان اربع ملاعق طعام من مبشور جوز الهند
وحطي عليهم تلات اكواب من الماء العادي واخلطيهم شوي وحطيهم على نار هادئة
وفضلي تخلطيهم لحد مايكون الرز صار عندك مطبوخ تماما والجوز الهند كمان ويكون المي تبعهم صار تقيل شوي
الان طفي النار وقومي بتصفية الرز مع مبشور جوز الهند من المي وخذي ماء الرز وجوز الهند هاد وحطيه
فوق مبشور الصابون اللي عملتيه قبل اوك
وقومي بتقليبهم كويس لحد مايتجانسوا تماما بعد هيك حطي خليط مبشور الصابون مع المي الابيض في قدر
وحطيهم على نار هادئة لخمس دقائق مع التقليب المستمر للخليط مشان يدوب الصابون مع المي تماما
بعد هيك طفي النار وحطي الخليط هاد في صحن لحد مايبرد عندك بعدها جيبي ماء الورد وحطي كوبين منه فوق
الخليط وقلبيهم كويس لحد مايتجانسوا تماما ويكون قوام الخليط خفيف شوي اوك
بعدها حطي من زيت الزيتون وطبعا النسبة راح تكون حسب رغبتك بحسب نوع بشرتك
لو كانت بشرتك جافة ممكن تزودي من كمية الزيت وهيك اوك
وبعد ماتخلصي الزيت وتخلطيهم كويس مع باقي الخليط وهيك صار عندك جل الاستحمام وبنفس الوقت غسول الوجه
جاهز للاستعمال ولو حابة ان تكون الخلطة عندك اخف ممكن تضيفي كمية اكتر من ماء الورد او ممكن الماء العادي عليها وتخلطيهم كويس راح يكون عندك الجل اخف ويعطينكي نفس النتيجة مع الغسل وكمية اكتر كمان
و ممكن تحتفظي فيه في اي علبة فاضية عندك وتقدري تحطي منهم بعلبتين علبة جل الاستحمام
وعلبة الغسول عادي متل ماعملت انا وهيك تقدري انك تستعمليهم عادي
اما كيف تحتفظي فيهم طبعا بالتلاجة لانه طبيعي وراح يكون مدة صلاحيته هي شهرين

طريقة الاستعمال

طبعا متل اي نوع جل بطريقة الاستخدام عادي لكن قبل لاتغسليهم بالمي اخر شي اتركي الجل على بشرتك
لمدة خمس دقايق قبل الشطف بالمي مشان يساعد على التفتيح وبعدها ارجعي بالتدليك بالليفة الناعمة ليفة اليد
اعملي تدليك خفيف لكامل البشرة وبعدها اغسليهم بالمي عادي وخلاص
ممكن ترطيب بشرتك بعد اخد الشاور ممكن استعماله باي وقت بدك فيه وكمان الغسول راح تستعمليه
بكل يوم صباحا متل اي غسول عادي وبكل مرة راح تلاحضين صار في فرق في تفتيح لون بشرتك باذن الله
ان كان بشرة جسمك او الوجه وهيك انا خلصت الموضوع يارب نال اعجابكم جربوا الطريقة هذه مراح تندموا ابد
وراح تستغنوا عن اي نوع جل للاستحمام لانه مضر للصحة لان من مكوناته الفورمالين اللي يسبب مرض السرطان
عفى الله عنكم وعفانا معكم ان شاء الله اما هذه الطريقة فهي امنة جدا ومفيدة ايضا وخليكم مع كل شي طبيعي
تكسبوا ومراح تندموا ابد باذن الله

سلام