منتديات أنا الأردن

مرحبا
انا كاتبة وحابة اتعرف بكتاب والتواصل، ممكن؟

انا قارىء
بس لتمنى الك التوفيق في كتاباتك*-*/

انا مش كاتبة
بس احيانا اكتب بعض الخواطر وقليل من القصص القصيرة
ولكن اقرأ بشكل جيد نوعا ما
اذا حابه بإمكاني اعطيكي اسماء بعض الكتب ( اغلبها روايات ) و الكتاب المفضلين لدي
وممكن بعض النصائح ممكن تفيدك بالكتابة

وبالتوفيق الك يا رب

وان شاء الله بنشوفك كاتبة كبيرة
والكتابة قبل كل شيء هي موهبة

MALAKA NOT MORE كتب:انا مش كاتبة
بس احيانا اكتب بعض الخواطر وقليل من القصص القصيرة
ولكن اقرأ بشكل جيد نوعا ما
اذا حابه بإمكاني اعطيكي اسماء بعض الكتب ( اغلبها روايات ) و الكتاب المفضلين لدي
وممكن بعض النصائح ممكن تفيدك بالكتابة

وبالتوفيق الك يا رب

وان شاء الله بنشوفك كاتبة كبيرة
والكتابة قبل كل شيء هي موهبة

مشكوووووووووووووووورة، اذا حابة التواصل بيسعدني هالشي

بدي اعرف انتي بدك كتاب و لا كتّاب؟

اردني مفرقاوي كتب:بدي اعرف انتي بدك كتاب و لا كتّاب؟

تواصل مع كتّاب اخي

MALAKA NOT MORE كتب:اولا اعتذر عن الرد المتأخر

بالنسبة الي اهم اشي الكتابة تكون طالعة من قلبك فالاشي اللي يخرج من القلب يدخل اليه مباشرة ممكن رح تعاني شوي بما انك في البدايات لكن حتى الكتابة تحتاج الى خبرة ونضوج فمع الزمن وكثرة القراءة والكتابة رح تلاحظي انو كتاباتك تحسنت بشكل ملحوظ
وكمان اذا كنتي طالبة حاولي تنشري اللي تكتبيه في مجلة المدرسة اذا كانت مفعلة او اذا كنتي بالجامعة ممكن تنشري بجريدة الجامعة وكمان النشر في المنتديات
وكمان اشي مهم لازم تخلي ثقتك بكتاباتك عالية ولازم تتقبلي النقد مهما كان يعني حتى لو حدا ما عجبو كتاباتك اشي طبيعي لان الناس اذواق
ومش ضروري تكتبي ع طول او تجبري حالك على الكتابة بالغصب يعني متى ما حسيتي حالك اجاكي الالهام اكتبي لو سطر وممكن تيجيكي فكرة فجأة كمان اكتبيها

و لازم تركزي على القراءة
بالنسبة للقصص والروايات والكتب :
بحب اقرأ الروايات مثلا روايتي المفضلة اسمها الخطة الانهائية ل ايزابيل الليندي وايضا هناك كتاب رائع جدا اسمه ارض النفاق ليوسف السباعي كتاب رائع وممتع
وبحب رواية ذهب مع الريح ج1 و ج2 ل مارغريت ميتشل و وداعا ايها السلاح ل ايرنست هيمنغواي وفي رواية اسمها طائر الشوك 3 اجزاء ل كولين مكلو بيحكو حلوه كثير قرأت مقدمتها وعجبتني انا نزلتها عندي عالابتوب مشان اقراها
وكمان حاليا بقرأ رواية البيت الاندلسي ل واسيني الاعرج رواية ممتعة
وفي رواية احببتك اكثر مما ينبغي ل اثير عبدالله كمان حلوه
بإمكانك تطلعي على هالكتب وممكن يعجبوكي واذا بدك بعطيكي اسماء كتب وقصص قصيرة اكثر
وهناك كتب كثيرة بتمنى اقراهم للكاتب الرائع يوسف السباعي و مصطفى محمود واحمد بهجت وانيس منصور وعباس العقاد وكثيرون مبدعون
وبالنسبة للشعر
انا بحب كثير شعر عبد العزيز جويدة وفاروق جويدة وغادة السمان وايضا شاعرة رائعة تكتب خواطر جميلة اسمها نبال قندس والها صفحة عالفيس بوك اسمها احلام على قائمة الانتظار ونازك الملائكة
فمثلا فاروق جويدة مميز بكتابة الخواطر وعلى ما اذكر له كتاب اسمه عمر من ورق و قالت فيها خواطر جميلة

ولو بدي اكمل رح اطول عليكي هههههههه
بس اهم اشي من كل اللي حكيتو لازم تكتبي من قلبك ومش شرط تكوني قراءتي كل كتب الدنيا ولازم تكوني عالمة لغة ولا انو تكوني تعرفي كل اشي بس حلو الواحد يكون مطلع على الاشياء ويفهم كل شيء عن شيء واحد وشيء واحد عن كل شيء


ممكن يكون كلامي فيه خطأ وهاد اكيد بس بتمنى يفيدك